«Еркетай» шағын орталығында 2018 жылдың 07 қараша күні «Балапан», «Күншуақ», «Жұлдыз», «Құлыншақ» топтарында «Келді міне, Алтын күз!» ертеңгілігі өткізілді.
Ертеңгіліктің мақсаты: Балаларға табиғаттың күз мезгіліндегі өзгерістері жайлы балалардың білімдерін кеңейту, күз мезгілінің берекелі екенін айтып, түсінік беру, ойлау қабілетін дамыту. Балаларды еңбекқорлыққа тәрбиелеу.
Мерекеге сай күзгі суреттермен, сарғайған жапырақтармен безендірілген. Айта кетсек балалар күз мезгіліне арналған тақпақтарын айтып, «Алтын күз», «Кап-кап, тук-тук», «Күз жомарт» әндерін шырқады. Бүлдіршіндер «Күзгі жапырақ», «Саңырауқұлақтар», «Тамшылар» билерін билеп, көрермендерге қуаныш сыйлады.
Сонымен қатар ертеңгілік барысында Күз ханшайымы, Бағбаншы, Күн мен Түн, қоян, түлкі, әтеш қонаққа келіп балалармен бірге «Қолшатыр», ойыны ойнап балаларға жақсы көңіл-күй сыйлады. Ертеңгіліктердің өте қызықты да тартымды өткені балалар мен ата-аналардың жүздерінен көрініп тұрды.
